Ekainaren 18 eta 19an, Donostiako Tabakalerako Kutxa Kultur Plazan, giza eskubideen aldeko pedagogia-baliabideen lehenengo azoka ospatu da, Aieteko Eskura Zentroak sustatua. Ekimen honen helburua, besteak beste, euskal instituzio eta GGKEek sortzen dituzten baliabideak herritarren eskura jartzea zen, batez ere, hezkuntza eta giza eskubideen arloan lan egiten dutenentzat.
Eskura Zentroak giza eskubideen aldeko pedagogia-baliabideen azoka bat antolatu du ekainaren 18 eta 19an. Helburuak dira, batetik, jendartean giza eskubideen ezagutza eta defentsa sustatzeko Euskal elkarte eta instituzioek sortzen dituzten pedagogía-baliabideak gizartearen eskura jartzea; eta, bestetik, baliabide horien autore eta erabiltzaileak harremanetan jartzea: hezitzaile, aktibista, gizarte integratzaile… eta herritarrak oro-har.